Astronomio

El Vikipedio

Nuna versio (nereviziita)

Portalo pri Astronomio

Giganta Hubble mosaiko de la supernova restaĵo Crab Nebula

Astroscienco aŭ Astronomio estas la scienco pri la astroj. Krom planedoj kaj fiksaj astroj validas ankaŭ stelamasoj, galaksioj kaj galaksiamasoj kiel astroj. Astrosciencon influas rezultoj el multaj aliaj fakoj. Precipe tiuj estas fiziko, apude ankaŭ kemio, geologio, geofiziko, mineralogio, biologio kaj matematiko.

Astronomio estas unu el la plej malnovaj sciencoj. Astronomoj de praaj civilizacioj enkondukis metodajn observojn pri la nokta ĉielo. Unuaj astronomiaj scioj estis jam trovitaj en pli praaj periodoj. Malgraŭ tio, necesis la invento de la teleskopo por la evoluo de astronomio al moderna scienco.

Ekde la dudeka jarcento la kampo profesia astronomio estis dividita en observada astronomio kaj teoria astrofiziko. En observada astronomio oni kolektas datumojn, kaj krome laboras pri konstruo kaj riparo de aparatoj kaj pritrakto de la rezultoj. En la kampo de teoria astrofiziko oni fokusiĝas pri aserto de la observaj implikoj de komputilaj aŭ analizaj modeloj. La du kampoj komplementas unu la alian tiel ke teoria astrofiziko strebas klarigi la observajn rezultojn. Astronomiaj observaĵoj povas esti ilo por testi la fundamentajn teoriajn en fiziko, ekzemple tiu pri ĝenerala relativeco.

Moderna astronomio oni ne konfuziĝu kaj miksi kun astrologio. Astrologio ne estas la sama kiel astronomio. Astrologio estas la kredo je kunligo inter ĉiela movado de la astroj kaj homaj aferoj surtere. Malgraŭ la du kampoj antaŭe estis kunligitaj, oni nuntempe ĝenerale strikte disigas tiuj du kampoj de unu la alian.^[1]